Útgerðarfélagið Frigg ehf í Reykjavík fékk núna í lok apríl afhentann nýjan bát frá Bátasmiðjunni Trefjum í Hafnarfirði. Að útgerðinni stendur Gunnar Hafsteinsson.

Nýji báturinn hefur hlotið nafnið Freyja RE-38. Báturinn er af gerðinni Cleopatra 31 í nýrri útgáfu.

Nýji báturinn er 8.5brúttótonn og er í strandveiðikerfinu. Báturinn er einnig útbúinn vökvakerfi til línu og netaveiða.

Aðalvél bátsins er af gerðinni Isuzu 6HE1TCX 370hp tengd ZF gír.
Báturinn er útbúinn siglingatækjum af gerðinni Furuno frá Brimrún.
Öryggisbúnaður bátsins kemur frá Viking.

Rými er fyrir 12-14stk 380lítra kör í lest. Svefnpláss er fyrir 2-3 í lúkar auk eldunaraðstöðu með eldavél og örbylgjuofni. Setkrókur er í lúkar og stólar fyrir skipstjóra og háseta í brú.