Sjóhæfni, kraftur og hraði

Cleopatra Fisherman 33 er hannaður sem vinnubátur með mikið lestarrými.  30 ára reynsla Trefja og kröfur íslenskra sjómanna sem sækja sjó við strendur Íslands hafa skilað okkur bát framtíðarinnar.  Stöðugur og öruggur bátur sem uppfyllir allar öryggiskröfur flokkunarfélaga.  Vélarúm aftast og 10rúmmetra lestarrými miðskips.  Góð hæð í lest gerir meðferð afla auðvelda.

Staðsetning lestarrýmis gerir að verkum að báturinn hleðst vel og er einkar stöðugur undir veiðarfærum.
Hægt er að útbúa lest bátsins fyrir ýmsar stærðir af fiskikörum.

Cleopatra 33 er byggður eftir Norðurlandareglum til notkunar á erfiðum hafsvæðum allt árið um kring.

Cleopatra Fisherman 33 er hraðskreiður, sterkur og öruggur bátur sem auðvelt er að búa á línu, net eða handfæraveiðar.